當各位係一兩個月前可能預計不到油價會站立於70 蚊關口，我亦然；正如我無膽捉熊腳一樣。有人話牛市生財，熊市發達。喱句話又一次成為金石良言，令作為初哥ｏ既我覺醒，上寶貴的的一課。
其實放大看，如果現時真係邁向牛市的話，我不敢苟同。點睇都係一個大趺市，出現嚴重超賣ｏ既極度技術性反彈。自從小弟投入AL 考試，五月中放監之後；見到個市真係呆一呆。原諒我無經歷過風浪。
今日開喱個POST ，此係想回應朋友們o既「意見交流」。因為我用電話講可能會有d點混亂，當然係我自己組織問題，但電話接收有點斷斷續續；各位會成聽到我：「呀？呀？同呀？」令到成個通話好似好唔Respect 來電者禁。所以用喱個空間，用文字表達更好。
答對油價ｏ既意見：
其實幾乎唯一可以支持期油上升o既因素係：Demand。
我禁講，你會覺得我好膚淺，「阿邊個都知啦」。係！大家都知ｏ既答案真係唔洗問。現時market o既論調與sentiment 確係瘋狂，無辦法，要Quote 青姐一句：「市場真係永遠是對的。」升到宜家，如果各位仲跟o既真係祝君好運。今年石油消耗量與需求量正在不斷減少，任憑聽日100蚊，我都唔會覺有金汁。
其實去到 $75-$80 o既水平仲有力升？我真係認為升到去邊都有跌o既一日，要知道當一個受份或產品低位反彈時；假設其他因素固定不變，要維持日後ｏ既升勢便要有新資金流入，但當流入ｏ既資本有特定慣性；亦即資本流入有限，就要一個健康ｏ既調整出現為佳。
所以油價到現水平，唔通仲靠控制supply 以製造 Demand 上升o既假象成就上升動力？我想OPEC 都愛莫能助。油價所涉及ｏ既範疇可以話簡單小小，但絕對受多方面因素影響。不過現時可以簡單點來看，祗因為近期市場盲目向好。油價上升ｏ既焦點，即動力應回歸經濟數據與行業基本因素，例如：美國CPI，今年第三季o既數據應該唔會好。哈，你會問禁又點？知唔知咩叫「爛泥扶唔上壁」，禁各位就會明。如果你有讀中史，就代入王學末流ｏ既境況你就會清楚。
其實上述意見，只係小弟作為一個初哥而言ｏ既感受。絕對唔適宜作任何參考之用。現時各位戰友應記住謝天華ｏ既名句：「天帝要你滅亡，必先令你瘋狂。」為妙，fasten your sit belt la!
標籤： Finance
Loading...
